دہلی پولیس نے کنہیا کی ضمانت کی مخالفت کی : سماعت ملتوی

جے این یو کیمپس میں ملک مخالف نعرے لگانے کے ملزم طالب علم لیڈر کنہیا کمار کی ضمانت عرضی پر منگل کو دہلی ہائی کورٹ میں سماعت ملتوی ہوگئی. کورٹ نے دہلی پولیس کو بدھ تک اسٹیٹس رپورٹ داخل کرنے کو کہا ہے. دہلی پولیس نے دہلی ہائی کورٹ میں جے این یو طالب علم یونین کے صدر کنہیا کمار کی ضمانت عرضی کی مخالفت کی. دہلی ہائی کورٹ نے دہلی پولیس کو ہدایت کی کہ وہ اس معاملے میں تحقیقات کی رپورٹ بدھ یعنی کل کورٹ کے سامنے رکھے. اس



معاملے پر سماعت بدھ یعنی کل ہوگی.

اپنی ضمانت عرضی میں کنہیا نے دعوی کیا ہے کہ انہیں ثبوتوں کو درکنار کرکے ایک ایف آئی آر کی بنیاد پر غلط طریقے سے گرفتار کیا گیا. کنہیا کو 12 فروری کو گرفتار کیا گیا تھا. اس درمیان دہلی پولیس اور دہلی ہائی کورٹ کے رجسٹرار جنرل پٹیالہ ہاؤس کورٹ کے احاطے میں 17 فروری کو ہوئے تشدد پر سپریم کورٹ کی مقرر کمیٹی سے اپنی رپورٹوں میں مختلف رائے رکھتے نظر آ رہے ہیں. یہ رپورٹ سپریم کورٹ کو سونپی گئی ہے.